"Сабақты зерттеу үдерісі- мұғалімдердің кәсіби біліктілігін дамытудың тиімді құралы" облыстық семинар

Сабақты зерттеу үдерісі барысында жетекші мектеп пен серіктес мектептердің тиімді механизмін құруды жүзеге асыру мақсатында Шалқар орта мектебінде “ Сабақты зерттеу үдерісі - мұғалімдердің кәсіби біліктілігін дамытудың тиімді құралы” тақырыбында облыстық семинар өткізілді.
 Мақсаты: Кәсіби қоғамдастық аясында сабақты зерттеу үдерісі арқылы педагогтердің зерттеу дағдыларын дамыту.
 Семинар жұмысының бірінші бөлімі үш секцияда жүргізілді. Секция жұмысы педагогтердің кәсіби біліктерін анықтауға бағытталды. Секция жұмыстарын жетекші мектеп координаторлары Н. Зиборова, Ж. Жетенова, А. Насырова басқарды.
 Зерттеу сабақтарын бастауыш сынып мұғалімі М. Закирова, математика пәнінің мұғалімі Г. Аубакирова, орыс тілі мен әдебиет пәнінің мұғалімі А. Сырымбетова өткізді.
 Тәжірибелік алаңда секция жұмыстарына талдау, еркін микрофон, координатордан лайф-хак, “Ағартушы” КҚ жұмысы туралы бейнеролик көрсетілді.
 Тәжірибелік алаңда облыстық білім беруді дамыту оқу-әдістемелік орталығының әдіскері Тогасова Айгуль Есмуратовна педагогтермен ой бөлісті.
 Қарасай ауданы білім бөлімінің әдіскері Айнұр Нұрғазы бастамасымен құрылған “Ағартушы” кәсіби қоғамдастығының бір жылдық жұмыс тәжірибесі облыс деңгейінде тарату ұсынысы айтылды.