2018 – 2019 оқу жылына арналған мектепішілік тәрбие жұмысын бақылау жоспары
Тәрбиенің негізгі міндеттері:
- Жеке адамның шығармашылық, рухани және күш-қуат мүмкіндіктерін жетілдіру, даралықты дамыту үшін жағдай жасау арқылы ой-өрісін кеңейту;
- Өз Отанын құрметтеуге, азаматтық пен патриотизмге, сүйіспеншілікке, мемлекеттік рәміздерін, халық дәстүрлерін қастерлеуге тәрбиелеу;
- Тұлға мен ұжым дамуындағы жаңа технологияны қолдану барысында тәрбие үрдісінің нәтижесін өз өмір тәжірбиесінде пайдалана білуге тәрбиелеу;
- Отанына деген сүйіспеншіліктерін ояту, салауатты өмір салтын сақтауға бағыттау;
- Мемлекет пен құқықтық туралы білім жүйесін қалыптастыру.
Осы міндеттерді іске асыруда Қазақстан Республикасы Білім және ғылым министрінің 2015 жылғы 01 маусымдағы № 348 бұйрығымен бекітілген тәрбие тұжырымдамасы бойынша тәрбиенің басым 8 бағыттық жұмысы қамтылды.
Олар:
- Қазақстандық патриотизм және азаматтық тәрбие, құқықтық тәрбие;
- Рухани-адамгершілік тәрбие;
- Ұлттық тәрбие;
- Отбасы тәрбиесі;
- Еңбек, экономикалық және экологиялық тәрбие;
- Көпмәдениетті және көркем-эстетикалық тәрбие;
- Зияткерлік тәрбие, ақпараттық мәдениет тәрбиесі;
- Дене тәрбиесі, салауатты өмір салты.
Осы бағыттағы атқарылған жұмыстарға тоқталар болсам: «Сыңғырла алғашқы қоңырау!» атты салтанатты жиыны. «Отбасы – бақыт мекені» атты Республикалық апталық ұйымдастырылды. «Мектепке жол» қайырымдылық акциясын ұйымдастыру. 18 - 23 қыркүйек аралығында тілдер мерекесіне орай іс-шара, сонымен қатар Қазақстан Республикасы Елбасының Халыққа жолдауларын жүзеге асыру мақсатында жоспар құрылып, жоспар бойынша жұмыстар, қосымша сынып жетекшілермен бірлескен «Менің сыныбым өзгеше» тақырыбында сыныптар аралығында сайыстар ұйымдастырылып, атқарылды. «Жас ұрпақ – Мәңгілік Ел тірегі» тақырыбындағы ұйымдастырылған саяхатта оқушыларымыз тегін демалып қайтты. 